ப்ரபோ கணபதே பரிபூரண வாழ்வருள்வாயே
(ப்ரபோ கணபதே)
சார்ந்து வணங்கி துதி பாடியாடி உந்தன்
சன்னதி சரணடைந்தோமே
சாந்த சித்த சௌபாக்கியம் யாவையும்
தந்தருள் சத்குரு நீயே - எமக்கு
(ப்ரபோ கணபதே)
ஆதிமூல கணநாத கஜானன
அற்புத தவள ஸ்வரூபா - அதி
தேவ தேவ ஜெய விஜய விநாயக
சின்மய பரசிப தீபா - தவ
(ப்ரபோ கணபதே)
தேடி தேடி எங்கோ ஓடுகின்றாய் உன்னை
தேடி கண்டுகொள்ளலாமே
கோடி கோடி மதயானைகள் பணிசெய்ய
குன்றென விளங்கும் பெம்மானே - குண
(ப்ரபோ கணபதே)
பார்வதி பால அபார வாரவர
பரம பகவத் பவ தரனா
பக்த ஜனசுமுக பிரணவ விநாயக
பாவன பரிமள சரணா - பரி
(ப்ரபோ கணபதே)
ஞான வைராக்கிய விசார சாரச்வர
ராகலய நடன பாதா - ஸ்வர
நாம பஜன குண கீர்த்தன நவவித - ஐயப்ப
நாயக ஜெய ஜகந்நாதா - நவ
(ப்ரபோ கணபதே)
No comments:
Post a Comment