அகணிததாரா கணங்களின் நடுவே ஆதிபராசக்தி ஆடுகிறாள்
சகலசாகரத்தும் தங்கச் சிலம்பொலிக்க ஜகதீஸ்வரியவள் ஆடுகிறாள்
அயனென வருவாள் அனைத்தையும் படைப்பாள்
ஹரியென காப்பாள் ஹரனென அழிப்பாள்
அழிவிலிருந்து ஜீவன் பிறந்திட செய்பவளாம்
அகிலாண்டேஸ்வரி ஆடுகிறாள்
அகன்ற இவ்வுலகில் வாழும் உயிரினங்கள்
ஆழபெருங்கடலில் வாழும் உயிரினங்கள்
அன்றன்ருணவு பெற அத்தனைக்கும் தந்தருளும்
அன்னபூர்நேஸ்வரி ஆடுகிறாள்
கனக கமலந்தனில் கனிந்த சிவப்பொருளை
கலந்து பேரின்பம் காட்டும் கனல் வடிவாம்
நானற்ற நல்லோர்கெல்லாம் நானிதோ என்று சொல்லும்
ஞானபரமேச்வரி ஆடுகிறாள்
அருளென வருவாள் அனைத்தையும் தருவாள்
அன்பனுக்கு அருள்வாள் அமுதகல்யாணியவள்
அகத்திய மாமுனி தமிழ்மொழி நல்கிட்ட
அமுத சுந்தரேஸ்வரி ஆடுகிறாள்
இதயவீணை எழும் இன்னிசை அவளே
இருளை அகற்றும் தீப ஜோதியும் அவளே
நாற்பத்துமூன்று கோடி நாத மணிமண்டபத்தில்
ஸ்ரீலலிதேச்வரி ஆடுகிறாள்
No comments:
Post a Comment